Fiziologiya fanining vazifasi o‘sish va rivojlanish qonuniyatlarini ochib berish, bir butun organizm, uning tizimlari, organlari, to‘qimalari va hujayralarini ishlash xususiyatlarini aniqlashdir.  Fiziologiya fani fiziologik jarayonlarni o‘zaro munosabatlari va ular o‘rtasida bog‘lanish sabablarini aniqlab beradi. Shu bilan birga yuksak darajada tuzilgan materiya, ya’ni bosh miya po‘stlog‘ining organlar va umuman butun organizm faoliyatida etakchi ro’l o‘ynashini tushunib olishga yordam beradi.

O’sib rivojlanib kelayotgan bola organizmining turli davrlarida, har-xil organ va tizimlarning faoliyati bir qator o‘ziga xos xususiyatlar bilan harakterlanadi.O‘qituvchi bolalar va o‘smirlarning anatomo-fiziologik xususiyatlarini o‘rgangan ekan, ayrim tizim va organlarining (suyak-muskul, nafas olish organlari, qon aylanishi, nerv tizimi, sezgi organlari, oshqozon ichak trakti, ichki sekretsiya bezlari, teri, ayiruv organlari) tuzilishi xususiyatlarini hamda ularning faoliyatlarini va gigiyenasi bilan tanishadi. Uyqu va aqliy mehnatni maqsadga muvofiq ravishda tashkil qilish uchun nerv tizimining ishlash qonuniyatlarini bilish ayniqsa muhimdir.

Fiziologiya so‘zi yunoncha phizis – tabiat, logos – ta’limot, fan ma’nolarini anglatuvchi tushuncha bo‘lib, shunga ko‘ra unga dastlab tabiat haqidagi fan deb qaralgan. Uzoq vaqtlar davomida fiziologiya tibbiyot talablari bilan bog‘liq holda rivojlangan.

Fiziologiya fanining  predmeti.

Fiziologiya  tirik  organizm,  undagi  a’zolar,  to‘qimalar, hujayralar  va  hujayra  tarkibiy  elementlarining  haѐt  faoliyati  (funksiyasi)  jarayonlarini, organizmning tashqi muhit bilan munosabatini o‘rganadi.

Fiziologiya funksiyalarning turda va individda rivojlanishini, ularning doimo o‘zgaruvchan tashqi sharoitiga moslanishini o‘rganadi.Funksiyalarni chuqur o‘rganish va shu tariqa faol ta’sir ko‘rsatib, ularni zaruriy tomonga yo‘naltirish  fiziologiyaning asosiy maqsadidir. Fiziologiya  mustaqil  bo‘lgan,  bir biri  bilan  bog‘langan  bir  qancha  fanlarga bo‘linadi.  Fiziologiyani  avvalo  umumiy  va  hususiy  solishtirma  va  evolyusion, shuningdek, ixtisoslashgan (ѐki amaliy) va odam fiziologiyalariga bo‘lish mumkin. Umumiy fiziologiya – muhit ta’siriga tirik organizm javob berishining umumiy qonunlarini, har bir organizmga xos bo‘lgan hayotiy jarayonlarni o‘rganadi.

Xususiy fiziologiya –to‘qimalar (muskul, nerv va b.), a’zolar (miya, yurak, buyrak va b.), tizimlar (hazm, qon aylanish, nafas va b.) funksiyasini o‘rganadi.  Solishtirma fiziologiya –har  xil    turlarga  mansub  bo‘lgan  organizmlar  va individual rivojlanishning turli bosqichlarida turgan bir turga mansub organizmlar funksiyasining o‘ziga xosligini o‘rganadi. Evolyusion  fiziologiya –funksiyalarni  tur  va  individda  rivojlanish qonuniyatlarini o‘rganadi.

Ixtisoslashgan (yoki amaliy) fiziologiya ixtisosiga,  bajarayotgan  ishiga  yoki yashayotgan  muhitiga  qarab  organizm  funksiyalarini  o‘zgarish  qonuniyatlarini  o‘rganadi. Odam fiziologiyasi – amaliy tibbiyotning nazariy asosi hisoblanadi, fiziologik jarayonlarning  normal  holatini  bilgandagina  kasallikni  davolashda  organizm faoliyatining dastlabki holatiga qaytara olishi mumkin.